Ümummilli Lider Heydər Əliyevin anadan olmasının 98-ci ildönümü ilə əlaqədar Masallı Rayon Heydər Əliyev Mərkəzinin Tədbirlər Planına uyğun olaraq silsilə tədbirlərin keçirilməsinə başlanılmışdır.
Mayın 3-də Karantin qaydaları gözlənilməklə Masallı Rayon Heydər Əliyev Mərkəzinin əməkdaşlarının iştirakı ilə Ulu öndər Heydər Əliyevin həyat və fəaliyyətinə həsr olunmuş “Dahi Şəxsiyyət” sənədli filmi izlənilib.
İlk öncə, torpaqlarımızın azadlığı uğrunda canından keçmiş şəhidlərimizin və Ulu öndər Heydər Əliyevin əziz xatirəsi bir dəqiqəlik sükutla yad edilib.
Sənədli filmdə​ Ulu öndər Heydər Əliyevin çoxşaxəli fəaliyyətindən, o cümlədən Azərbaycan dövlətçiliyinin bərpasında, qorunub saxlanılmasında misilsiz xidmətlərindən bəhs olunur.