30.10.2019
30 oktyabr 2019-ci ildə Masallı rayon Mərkəzi Kitabxanasında Zəngilan rayonunun işğalının 26-cı ildönümü ilə əlaqədar tədbir keçirildi. Xidmət şöbəsinin müdiri Gülər Piriyeva oxucularla söhbətdə bildirdi ki, Zəngilan rayonu 29 oktyabr 1993-cü ildə erməni sillahlı qüvvələri tərəfindən işğal olunmuşdur. Rayon işğal olunmazdan qabaq erməni qüvvələri tərəfindən tam olaraq mühasirəyə alınmışdı və on minlərlə insan qırılmaq təhlükəsi ilə üz-üzə idi. Hər tərəfdən mühasirədə qalan sakinlər Araz çayını keçərək xilas olmuşdular. Qanlı döyüşlər nəticəsində 188 nəfər həlak olmuş, 44 nəfər itkin düşmüşdür. G.Piriyeva inamla qeyd edib ki, dövlət başçısının göstərdiyi qətiyyətli mövqe, milli ordumuzun qüdrəti və xalqımızın mübarizə ruhu nəticəsində torpaqların azad olunacağı gün uzaqda deyil.