Azərbaycan poeziyasının görkəmli nümayəndəsi, xalq şairi, dramaturq, nasir, publisist, tərcüməçi Nəbi Xəzrinin anadan olmasının 100 iliyi münasibətilə Lerik Rayon Heydər Əliyev Mərkəzində rayon mədəniyyət müəssisələrinin iştirakı ilə yubiley tədbiri keçirilib.

Tədbir iştirakçıları öncə şairin həyat və yaradıcılığına həsr olunmuş qısametrajlı filmə baxış keçiriblər.

Daha sonra çıxış edənlər Nəbi Xəzrinin zəngin yaradıcılığı ilə əlaqədar geniş məlumat veriblər. Qeyd olunub ki, ömrünün 60 ilini Azərbaycan ədəbiyyatının inkişafına həsr etmiş şairin əsərləri mövzü dairəsinin genişliyi və rəngarəngliyi ilə səciyyələnir. Nəbi Xəzri dilimizin poetik imkanlarından ustalıqla bəhrələnərək poeziyamızın gözəl nümunələrini yaradıb, ədəbi dilimizin inkişafına töhfələr verib.

Tədbirdə şairin şeirlərindən nümunələr səsləndirilib.