Dekabrın 12-də Masallı rayon Mərkəzi Kitabxanasında kitabxananın və Tarix-Diyarşünaslıq Muzeyinin birgə təşkilatçılığı ilə 12 dekabr-Ümummilli lider Heydər Əliyevin anım günü ilə əlaqədar tədbir keçirilib.

Tədbir başlamazdan öncə ulu öndər Heydər Əliyevin əziz xatirəsi bir dəqiqəlik sükutla yad edilib.

Tədbiri giriş sözü ilə açan kitabxananın direktor əvəzi Zamin Məmmədov bildirib ki, Ümummilli lider Heydər Əliyevin Azərbaycan dövlətçilik tarixində yeri nə qədər müstəsna və önəmlidirsə, xalq qarşısında xidmətləri də bir o qədər dəyərli və əhəmiyyətlidir.Ulu öndər Azərbaycan xalqının milli dövlətçilik mübarizəsindəki misilsiz xidmətləri ilə bütün dünya azərbaycanlılarının sonsuz sevgisini qazanmışdır.

Sonra Tarix-Diyarşünaslıq Muzeyinin direktoru Əntiqə Tağıyeva çıxışında vurğulayıb ki, vaxtilə Sovet İttifaqında mühüm vəzifələrdə çalışan Heydər Əliyev ölkəmiz müstəqillik qazandıqdan sonra dövlətçiliyini itirmək təhlükəsi ilə üzləşəndə xalqın imdadına yetişərək çətin tarixi missiyanı öz üzərinə götürdü.Zəngin dövlətçilik təcrübəsi, yüksək idarəçilik məharəti olan Heydər Əliyev fövqəladə şərtlərdə ölkənin üzləşdiyi Dağlıq Qarabağ münaqişəsi və iqtisadi böhran problemlərinin həll edilməsi üçün fasiləsiz iş tempində fəaliyyətə başladı. Dağlıq Qarabağda Ermənistanla atəşkəs əldə edərək ordunu gücləndirməklə məşğul oldu.Qısa müddətdə ictimai-siyasi sabitliyə nail oldu, sosial-iqtisadi inkişafın təməli qoyuldu. Dövlətlə vətəndaş arasında etimadsızlıq mühitini aradan qaldırdı, fəaliyyəti iflic olmuş idarəçilk mexanizmini qaydasına saldı.

Tədbirin yekununda kitabxananın əməkdaşı Günay Xəlilova Ümummilli lider Heydər Əliyevin dövlət quruculuğu və dövlət müstəqilliyinin möhkəmləndirilməsi sahəsində əvəzolunmaz xidmətlərindən bəhs edən məruzə ilə çıxış edib.