Dekabrın 5-də Lerik Rayon Heydər Əliyev Mərkəzində Ümummilli lider Heydər Əliyevin vəfatının 21- ci ildönümünə həsr olunmuş "Azərbaycan tarixinin Heydər Əliyev mərhələsi" mövzusunda tarix dərsi keçirilib.

Dərs Lerik Rayon Heydər Əliyev Mərkəzinin və Lerik rayonu üzrə Təhsil Sektorunun birgə təşkilatçılığı, Lerik şəhər Leytenant Arif Nuriyev adına 1 saylı texniki fənlər təmayüllü liseyin yuxarı sinif şagirdlərinin iştirakı ilə baş tutub.

İlk öncə şagirdlər Ulu Öndərin zəngin siyasi irsindən, həyat və fəaliyyətindən bəhs edən eksponatlarla tanış olublar.

Daha sonra məktəblilər Heydər Əliyevin Azərbaycanın müstəqilliyinin möhkəmlənməsində və inkişafında göstərdiyi əvəzsiz xidmətlər haqqında, onun dövlət idarəçiliyi, iqtisadi islahatlar və milli-mədəni irsin qorunması istiqamətində gördüyü işlər barədə məlumat əldə ediblər.

Şagirdlər, həmçinin Heydər Əliyevin lerikli fermer Xanış Şahıyevlə olan dostluğu barədə maraqlı faktlarla tanış olublar.

Sonda "Ulu öndər Heydər Əliyev irsi və müasir Azərbaycan " qısametrajlı filmi nümayiş edilib.