Lerik Rayon Heydər Əliyev Mərkəzində 8 Noyabr – Zəfər Günü münasibətilə "Azərbaycanın Vətən müharibəsindəki tarixi Zəfəri" mövzusunda tədbir keçirilib.

Tədbirdə Lerik Rayon İcra Hakimiyyətinin, GİKM -nin Lerik nümayəndəliyinin, Lerik rayon Mərkəzi Kitabxana Sisteminin, YAP Lerik rayon təşkilatının nümayəndələri, şəhid ailələri , qazilər və rayon məktəbliləri iştirak ediblər.

İlk öncə ölkəmizin ərazi bütövlüyü uğrunda canlarını fəda edən qəhrəmanların əziz xatirəsi bir dəqiqəlik sükutla yad edilib.

Tədbirdə iştirak edən çıxışçılar Vətən müharibəsinin xalqın birliyi, ordunun fədakarlığı və dövlətin rəhbərliyinin strateji qərarları ilə böyük qələbəyə çevrildiyini bildiriblər.

Tədbirdə Malik Bağışov adına şəhir 3 saylı tam orta məktəbin şagirdləri "Zəfər çələngi" kompozisiyası ilə çıxış ediblər.

Sonda "Zəfərin mübarək, Azərbaycan!" videoçarxı nümayiş olunub.