Noyabrın 5-də Yardımlı rayon Heydər Əliyev Mərkəzində Zəfər gününə həsr olunan "Keçmişimizin qisası, gələcəyimizin qüruru" adlı tədbir keçirilib.

Tədbirdə Yardımlı rayon N.Ə.Əskərov adına Sırıq kənd orta məktəbinin müəllim və şagird kollektivi iştirak edib.

Tədbir iştirakçılarına 44 günlük Vətən müharibəsinin başlanması, gedişatı, qələbə əldə etməmizdə dövlət-ordu-xalq birliyinin önəmi barədə geniş məlumat təqdim olunub.

Sonra "Vətən Müharibəsi - anbaan" filmi nümayiş olunub.

İştirakçılara mərkəzdə mövcud olan sərgi və eksponatlar barədə məlumat verildikdən sonra tədbirə yekun vurulub.