Noyabrın 4-də Astara rayon Mərkəzi Kitabxanasında Oxuculara xidmət şöbəsinin təşkilatçılığı ilə "8 Noyabr-Zəfər tariximiz" mövzusunda tədbir keçirilib.

Tədbirdə Qarabağ Müharibəsi Şəhidləri,Veteranları və Şəhid ailələri İctimai Birliyinin Astara filialının sədri Orxan Əliyev, Astara Rayon Yazıçılar Cəmiyyətinin sədri Mircəfər Babazadə, 2-ci Qarabağ müharibəsinin qaziləri, şəhər 1 və 2 saylı orta məktəbin müəllim və şagirdləri iştirak ediblər.

Tədbirdə ilk olaraq şəhidlərimizin əziz xatirəsi bir dəqiqəlik sükutla yad edilib, sonra Azərbaycan Respublikasının Dövlət Himni səsləndirilib.

Çıxışlarda bildirilib ki, xalqımızın qüdrətinin və milli qürurumuzun təntənəsinə çevrilən, dövlətimizin nüfuzu və gələcək inkişafı müstəsna əhəmiyyət kəsb edən bu misilsiz Qələbənin əbədiləşdirilməsi məqsədilə noyabrın 8-i ölkəmizdə zəfər günü elan edildi.Artıq həmin zəfərdən dörd il ötür və Azərbaycan Xalqı Zəfər Gününü tariximizin ən qürurlu,fəxarətli günü kimi qeyd edir.

Sonda şagirdlərin ifasında Zəfər Günü ilə bağlı şeirlər səsləndirilib.