Astara rayon Mədəniyyət Mərkəzində Azərbaycan Aşıq sənətinin UNESCO-nun Qeyri-Maddi Mədəni İrsin Reprezentativ siyahısına daxil edilməsinin 15 illiyi münasinbəti ilə Azərbaycan Aşıqlar Birliyinin üzvləri aşıq Elxan Əliyev və aşıq Vaqif Rzayevlə görüş keçirilib.

Tədbirdə çıxış edən Lənkəran-Astara Regional Mədəniyyət İdarəsinin Astara rayonu üzrə nüamyəndəsi Şadoğlan Bayramov aşıq sənəti tarixindən məlumat verib.

Sonra Şirvan aşıq məktəbinin nümayəndəsi Azərbaycan aşıqlarının IV və V qurultaylarının nümayəndəsi olmuş aşıq Elxan Əliyevin ifasında aşıq musiqisi səsləndirilib.Daha sonra aşıq Vaqif Rzayev özünün bəstələdiyi mahnıları ifa edərək tədbirə rəng qatıb.

Tədbir Astara rayon Mədəniyyət Mərkəzinin Sevinc mahnı və rəqs ansanblının cıxışları ilə davam edib.