Oktyabrın 31-də Masallı Tarix-Diyarşünaslıq Muzeyində “Bizim qəhrəman” adlı tədbir keçirilib.

Hərbiçi, ehtiyatda olan mayor, hal hazırda Təzə Alvadı kənd tam orta məktəbində hərbi rəhbər kimi fəaliyyət göstərən Mehbaliyev Bəhruz İlham oğlu ilə keçirilən görüşdə Masallı Dövlət Regional Kollecinin müəllim və tələbələri iştirak edib.

İlk öncə Ulu öndər Heydər Əliyevin və vətənin azadlığı, bütövlüyü uğrunda canından keçən şəhidlərin əziz xatirəsi bir dəqiqəlik sükutla yad edilib.

Tədbiri giriş sözü ilə açan muzeyin direktoru Əntiqə Tağıyeva 44 gün davam edən Vətən müharibəsində Rəşadətli Azərbaycan Ordusunun Müzəffər Ali Baş Komandanı İlham Əliyevin rəhbərliyi ilə qazandığı möhtəşəm tarixi qələbədən danışıb. O, qeyd edib ki, Azərbaycan xalqı ötən 30 illik dövr ərzində işğalla barışmadı və ərazi bütövlüyünü bərpa etmək üçün sarsılmaz əzm göstərdi.

Prezident İlham Əliyevin rəhbərliyi dövründə yetişən, formalaşan vətənpərvər gənclər Vətəni qorumaq üçün hər cür fədakarlığa hazır olduqlarını dönə-dönə sübut etdilər.

Sonra 25 il hərbidə xidmət göstərən zabit Bəhruz İlham oğlu Mehbaliyev vətənin keşiyində duran əsgər və zabitlərimizin keçdiyi şərəfli döyüş yolundan, xalqımızın vətənpərvərliyindən, Vətən müharibəsi dövründə ön və arxa cəbhədəki birlik və fədakarlığından ətraflı bəhs edib. O, Ali Baş Komandana göstərdiyi yüksək diqqət və qayğıya görə minnətdarlığını bildirib.