Oktyabrın 15-də Yardımlı rayon Heydər Əliyev Mərkəzində "Şanlı Zəfər tariximiz" mövzusunda tədbir keçirilib.

Tədbirdə Lənkəran-Astara Regional Mədəniyyət İdarəsinin baş məsləhətçisi Ayaz Əliyev və Yardımlı rayon Çayüzü kənd orta məktəbinin müəllim və şagird kollektivi iştirak edib.

İlk öncə ölkəmizin ərazi bütövlüyü uğrunda canını fəda edən qəhrəman Şəhidlərimizin xatirəsi bir dəqiqəlik sükutla yad olunub.

Sonra tədbirdə çıxış edənlər zəfər tariximiz və bu şanlı tarixin başlanma anına qədər Azərbaycan Respublikasının, o cümlədən Azərbaycan Ordusunun keçdiyi inkişaf yolundan, ucaldığı tərəqqidən, qələbənin əldə olunmasındakı mühüm amillərdən söz açıblar.

Sonda tədbir iştirakçıları mərkəzdə mövcud olan sərgi və eksponatlarla tanış olublar.