Oktyabrın 17-də Yardımlı rayon Heydər Əliyev Mərkəzində Yardımlı rayon Hamarkənd kənd orta məktəbinin müəllim və şagird kollektivinin iştirakı ilə oktyabrın 17-si Füzuli şəhəri günü ilə bağlı tədbir keçirilib.

Tədbirdə çıxış edənlər Vətən müharibəsinin hər günü üçün geri qaytarılan Azərbaycan torpaqlarından, Azərbaycan əsgərinin bir an belə geri çəkilməyərək ard-ardınca işğal altında olan ərazilərimizi azad etmələrindən, Füzuli döyüşlərinin strateji əhəmiyyətindən, Azərbaycan ordusunun tarix boyu unudulmayacaq döyüş şücaətindən bəhs ediblər.

Yekunda tədbir iştirakçıları mərkəzdə mövcud olan sərgi və eksponatlarla tanış olduqdan sonra tədbirə yekun vurulub.