Aprelin 13-də Astara rayon Mərkəzi Kitabxanasının Uşaq şöbəsinin və Astara şəhər Z.Bünyadov adına 2 saylı tam orta məktəbin birgə təşkilatçılığı ilə Məhəmməd Füzilinin 530 illiyi münasibəti ilə tədbir keçirilib.

Tədbirdə Uşaq şöbəsinin əməkdaşları, Z.Bünyadov adına 2 saylı tam orta məktəbin kitabxanaçısı və şagirdlər iştirak ediblər

Kitabxananın əməkdaşı Aysel Əhmədova Məhəmməd Füzuli haqqında məlumat verib, sonra şagirdlər "Bəngü-badə" əsərinin müzakirəsində fikirlərini ifadə ediblər.

Yekunda dahi şairin kitablarından ibarət sərgiyə baxış keçirilib.