18.10.2023
Masallı Tarix-Diyarşünaslıq Muzeyi, Gənclərin İnkişaf və Karyera Mərkəzinin (GİKM) Lənkəran-Astara Regional nümayəndəliyinin Masallı bölməsinin birgə təşkilatçılığı ilə Müstəqilliyin Bərpası Gününə həsr edilmiş “Əbədi və sarsılmaz müstəqilliyimiz “ adlı tədbiri keçirilib.
Muzeydə keçirilən tədbirdə təşkilatçı qurumların əməkdaşları və gənclər iştirak edib.
Əvvəlcə vətənin ərazi bütövlüyü və müstəqilliyi uğrunda canını qurban vermiş şəhidlərin əziz xatirəsi bir dəqiqəlik sükutla yad edilib.
Tədbiri giriş sözü ilə açan muzeyin direktoru Əntiqə Tağıyeva müstəqilliyin bərpasından sonrakı hadisələrdən bəhs edərək Ulu Öndər Heydər Əliyevin hakimiyyətə gəlməsi illərində dövlət müstəqilliyinin möhkəmləndirilməsi istiqamətində atdığı addımların Azərbaycanın bugünkü uğurları üçün ən etibarlı təməl, Ümummilli Liderin layiqli davamçısı, ölkə Prezidenti İlham Əliyevin apardığı məqsədyönlü daxili və xarici siyasətin isə dövlətimizin daha da güclənməsinə, regionda lider olmasına gətirib çıxaran faktlardan söhbət açıb.
Sonra Gənclərin İnkişaf və Karyera Mərkəzinin (GİKM) Lənkəran-Astara Regional nümayəndəliyinin Masallı bölməsinin nümayəndəsi Orxan Əliyev və muzeyin elmi işçisi Dilgüşə Məmmədova çıxışlarında dövlət müstəqilliyinin əhəmiyyətindən, Azərbaycanın siyasi, iqtisadi, mədəni sahələrdə qazandığı nailiyyətlərdən və Azərbaycanın daha da inkişaf etməsində bu günki gəncliyin üzərinə düşən məsuliyyətdən danışıblar