27.09.2023
Masallı Tarix-Diyarşünaslıq Muzeyində Anım Günü ilə bağlı dəyirmi masa keçirilib.
Əvvəlcə vətənin ərazi bütövlüyü uğrunda canını qurban vermiş şəhidlərin əziz xatirəsi bir dəqiqəlik sükutla yad olunub.
Muzeyin direktoru Əntiqə Tağıyeva çıxışında 44 gün davam edən Vətən müharibəsinin Ali Baş Komandan İlham Əliyevin rəhbərliyi, xalq-ordu birliyinin möhtəşəm Qələbə ilə başa çatmasının hər bir Azərbaycan vətəndaşının qəlbində böyük qürur və iftixar hissi yaratdığından, Vətən müharibəsində şəhidlik zirvəsinə ucalan igidlərin qəhrəmanlıqlarından bəhs edərək, 30 ildən bəri işğal altında olan şəhər və kəndlərimizin azad olunmasının, ölkəmizin ərazi bütövlüyünün bərpa ediməsinin, məcburi köçkünlərin köçkünlük həyatının sona çatması və doğma yurdlarına qayıtmaq imkanlarının yaradılmasının müasir tariximizin ən möhtəşəm hadisəsi olduğunu vurğulayıb.
Yekunda tədbir iştirakçıları “Qəhrəmanlar parkı”nı ziyarət edib, şəhidlərin ruhlarına dualar oxuyub, abidə önünə gül dəstələri qoydular.