18.05.2022
May ayının 18-də Cəlilabad rayon Şabanlı kənd Mədəniyyət Evinin təşkilatçılığı ilə sözügedən Mədəniyyət Evinin dərnək üzvlərinin, Masallı Regional Mədəniyyət İdarəsinin əməkdaşı Elnur Atakşiyevin və Mədəniyyət Mərkəzinin direktoru Ramil İbrahimovun iştirakı ilə 18 May - Beynəlxalq Muzeylər Günü ilə əlaqədar "Muzeylər bizim sərvətimizdir" adlı Cəlilabad Tarix-Diyarşünaslıq Muzeyi və Rəsm qalereyasına ekskursiya təşkil olunub.
Muzeydə eksponatların tarixi, tapıldığı bölgələr, hansı materialdan hazırlanması və necə istifadə olunduğu ilə bağlı iştirakçılara geniş məlumat verilib.