05 iyun 2018-ci ildə Masallı rayon Mərkəzi kitabxanasında görkəmli Azərbaycan şairi Mikayıl Müşfiqin anadan olmasının 110 illiyi ilə əlaqədar tədbir keçirildi. Tədbiri giriş sözü ilə açan kitabxana direktoru Əlhəddin Nəzərov şairin həyat və yaradıcılığı haqqında danışaraq, onun Azərbaycan poeziyasının inkişafında böyük rol oynamış istedadlı şairlərdən biri olduğunu bildirdi. Daha sonra Xidmət şöbəsinin müdiri Gülər Piriyeva, Oxu zalının müdiri Şəmsurə Nəsirova və İnformasiya-Resurs şöbəsinin müdiri Rasif Dadaşov çıxış edərək Mikayıl Müşfiqin qısa ömür yaşamasına baxmayaraq, maraqlı və orijinal əsərləri ilə ədəbiyyatımızda dərin iz qoyduğunu tədbir iştirakçılarının nəzərinə çatdırdılar. Tədbirdə iştirak edən şəhər 3 saylı orta məktəbin 5-ci sinif şagirdləri Ləman Abbasova, Əsma Ağayeva və Zəhra Hüseynzadə şairin qızına həsr etdiyi “Zəhra üçün” şeirini birlikdə səsləndirdilər