30.03.2018
Cəlilabad rayon Mərkəzləşdirilmis kitabxana sistemində 31 mart - Azərbaycanlıların soyqırımının 100 illiyi ilə əlaqədar Prezident İlham Əliyevin Sərəncamına müvafiq olaraq anım mərasimi keçirilib.
Anım mərasimində İcra Hakimiyyətinin əməkdaşı, tarixçilər, rayon ziyalıları, tələbələr, məktəb şagirdləri və kitabxananın fəal oxucuları iştirak ediblər. İştirakçılar 31 mart soyqırımı qurbanlarının və şəhidlərimizin xatirəsini bir dəqiqəlik sükutla yad etdikdən sonra fəal oxucuların ifasında şeirlər deyilib və kompozisiyalar nümayiş etdirilib. Sonda iştirakçılara 31 mart azərbaycanlıların soyqırımına həsr edilmiş "Tarixin qan yaddaşı" başlıqlı sərgi nümayiş etdirildi.