23.08.2025
Avqustun 23-də AYB Lənkəran Bölməsi və Lənkəran şəhər Mərkəzləşdirilmiş Kitabxana Svisteminin birgə təşkilatçılığı ilə Xalq şairi Fikrət Qocanın 90 illiyi münasibətilə "Ədəbiyyatımızın nəğməkar şairi" adlı yubiley tədbiri keçirilib.
Tədbirdə bölgə yazarları, kitabxana əməkdaşları, ziyalılar iştirak ediblər.
Əvvəlcə Xalq şairi Fikrət Qocanın yubileyi ilə bağlı hazırlanmış videorolik nümayiş olunub.
Sonra AMEA-nın Ədəbiyyat İnstitutunun Ədəbi Tənqid Şöbəsinin müdiri Vaqif Yusifli yubilyarın həyat və yaradıcılığı barədə geniş məlumat verib.
Daha sonra tanınmış naşir, poliqrafçı alim, yazıçı publisist Şəddat Cəfərov, şair Ağamir Cavad, yazıçı Hafiz Mirzə,kitabxana əməkdaşı Günay Əsədullayeva yubilyarın yaradıcılığı ilə bağlı düşüncələrini bölüşüblər.
Yekunda kitabxananın əməkdaşı Habil Axundovun ifa etdiyi nəğməkar şair Fikrət Qocanın sözlərinə yazılmış mahnı tədbir iştirakçıları tərəfindən maraqla qarşılanıb.