10.03.2026
Martın 10-da Lənkəran rayonunun Gərmətük qəsəbəsindən olan Vətən müharibəsi şəhidi Emil Şahin oğlu Şıxəlizadənin doğum günü münasibətilə Lənkəran-Astara Regional Mədəniyyət İdarəsinin kollektivi şəhidin ailəsini ziyarət edib. Görüş zamanı şəhidin ailə üzvləri ilə o cümlədən Q. Vəliyev adına Lənkəran şəhər Mədəniyyət Mərkəzinin əməkdaşı, şəhidin anası Azadə Şıxəliyeva ilə söhbət edilərək ailənin qayğıları ilə maraqlanılıb. Şəhidin həyat yolu və qəhrəmanlıq nümunələri barədə danışılıb, xatirəsi dərin ehtiramla yad olunub. Sonda şəhidin ailəsi onlara göstərilən diqqət və qayğıya görə idarə rəhbərliyinə təşəkkürlərini ifadə ediblər.